Plantun de Prouvènço

Pèr coumpara dos planto d'encò nostre

Plantago afra & Noccaea praecox

Grano-de-niero

Plantago afra

Plantaginaceae

Àutri noum : Erbo-di-niero, Biasso.

Noms en français : Plantain pucier, Plantain psyllium.

Descripcioun :
La grano-de-niero, es uno pichoto planto (5 à 40 cm) que trachis dins li tepiero seco e en ribo de ribiero. Es uno planto gaire ramificado que douno d'èr à Plantago arenaria mai que se n'en destrìo d'un biais segur emé si bratèio de la flour coumpausado que soun mai courto qu'elo. Li fueio soun longo, plato e primo (1 à 3 mm). Coumpara emé l'erbo-bruno que ié sèmblo proun.

Usanço :
Li fueio de grano-de-niero se manjon en ensalado. Li grano, un cop gounflado dins l'aigo, soun bono contro lou quiéu tapa e remoulisson. Ajudon à lucha contro la pisso-douço e lis artèri tapado. Soun peréu utilisado en cousmetico pèr faire de poutingo pèr la pèu (anti-enflamativo).

Port : Erbo
Taio : 5 à 40 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Plantago
Famiho : Plantaginaceae

Ordre : Lamiales

Coulour de la flour : Blanco
Petalo : 4
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Abriéu à avoust

Liò : Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Plantago afra L., 1762

Talaspi(-proumieren)

Noccaea praecox

Brassicaceae Cruciferae

Nom en français : Tabouret précoce.

Descripcioun :
Lou talaspi-proumieren es uno planto raro que trachis en group dins li blachiero e li tepiero roucaiouso. Èi pas tant fort que sa cousino, l'erbo-dis-escut. Li siliculo soun alado e bèn duberto (fotò). La planto es aparado e marcado sus la listo roujo : categourìo NT, quàsi amenaçado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Noccaea
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 3 à 5 mm
Flourido : Printèms

Sòu : Ca
Autour basso e auto : 200 à 1600 m
Aparado : Noun
Abriéu à jun

Liò : Blachiero - Tepiero roucaiouso
Estànci : Subremediterran
Couroulougi : Éuropo-Sud-Èst
Ref. sc. : Noccaea praecox (Wulfen) F.K.MeyL., 1973 (= Thlaspi praecox Wulfen, 1789 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Plantago afra & Noccaea praecox

ges

Coumpara Grano-de-niero emé uno autro planto

Coumpara Talaspi(-proumieren) emé uno autro planto